புலோலி : தமிழர்

இயற்கையிடம் கற்க மறந்தது...!!!

ஒளி நோக்கி உயர்ந்திடும் மரமே உன் வளைவுகள்உரைக்கிறது உணவுக்கான உன் உழைப்பை உன்னை பார்த்தேனும் நான் உணரவில்லையே உழைத்து உயர்ந்திடும் உண்மையை பட்டு கெட்டு அறிந்தபின் பார்த்து வியக்கிறேன் இயற்கையிடம் கற்க மறந்ததை!!! -புலோலியூர் கரன்-

நம்(பிக்)கையில்தான் ...!!!

இந்த நிலத்தில் உள்ள ஏற்ற இறக்கம் பொல நம் வாழ்கையிலும் இன்பமும் துன்பமும் இருக்கத்தான் செய்கிறது இரசிக்கும் படி அதை மாற்றும் சூட்சுமம் நம்(பிக்)கையில்தான் இருக்கிறது!!!! -புலோலியூர் கரன்-

இமை மூடி எனை மறந்து...!!!

பூமியவள் பொன் தோய்க்க ஒளி கொடுத்து உரமிழந்த உதயனவன் ஓய்வெடுக்க ஆழியிடை அரண் திரும்ப வானவில் வண்ண கோலமிட முகிலுறவு மகிழ்ச்சிகொண்டு அரவணைத்து உரசிடவே வாத்தியமாய் இடிமுழங்கிட திளைத்திருந்த சோகமது தடமின்றி தணிந்திடவே இதமான இயற்கைதனை தித்திக்க ரசித்து நின்றேன் மேலெழுந்த அலைநடுவே புகுந்துவந்த தென்றலது தாங்கி வந்த அலைத்துளியை இதமாக தெளித்திடவே இமை மூடி எனை மறந்து இதயமது உணர்ந்திடவே தென்றலோடு தழுவிநின்றேன் இயற்கையது இருக்கும்வரை இன்புறவே ரசித்திடுவோம் துன்பமெலாம் போக்கிடுவோம் ...!!! புலோலியூர் கரன்-

பருவ மயக்கங்களில் ...!!!

இதய நதியினிலே உதித்த சில இனிய செங்கமலங்களை கற்பனையில் வடித்ததுண்டு பதின்ம பருவ மயக்கங்களில் படிதாண்டி ரசித்ததுமுண்டு ஆயிரம் வண்ண இதழ் மலர்கள் உன்னருகில் வலை விரித்தபோதும் உன் இதழசைவில் என் உயிர் துடிக்கிறது உன்னால்தான் இன்னும் உலகம் இனிக்கிறது -புலோலியூர் கரன்-

தாயகம் மீட்டிட உரிமையை காத்திட
பெரும் கடமை கொண்டவர்
சுயநல செல்வாக்கு வசதியால்
தன்னுயிர் காத்திட புலம் விட்டு ஓடினர்
இவர்கள் அன்றைய துரோகிகளாகினர்
தொடங்கிய யுத்தத்தை முடித்திட எண்ணி
பூக்களும் ஆயுதம் ஏந்தின
ஈழகவிஞரோ ஓடியவர் தனை
கோழைளென வசை பாடியே
எஞ்சியவர் மூளையை சலவை செய்தனர்
இறுதியில் அரும்புகள் கைகளிலும்
உயிர்கொல்லி ஆயுதம் திணிந்தது
பணங்களை அள்ளி வீசியே
பாரினிலே இருந்தவர் யுத்தம் வளர்த்தனர்
யுத்தத் தீயினை காரணம் சொல்லியே
குடியுரிமை பெற்று குளிர் காய்ந்தனர் பலர்
பொருளாதார அரசியல் மலிந்த உலகினில்
பல நாடுகள் துணையுடன் ஈழத்தை அழித்திட
போர் என்ற பெயரில் பெரும் சூழ்ச்சி நடந்தது
ஆணிவேரற ஈழ மரமும் சாய்ந்தது அதில்
விதைகள் விழுதுகளென எண்ணி
அரும்புகள் முதல் சருகுகள் வரை
ஆயிரமாயிரம் சனம் துடிதுடித்தழித்தனர்
எஞ்சிய குற்றுயிர் உறவுகளில்
அங்கங்கள் இழந்தவரில் ஆயிரம் பிஞ்சுகள்
இப்படியானது ஈழவரலாறு, இருந்தும்
இன்னொரு போர் மூண்டிடாதா என
ஓநாய்கள் அழுகிறது எஞ்சிய மக்களையும்
கொண்றிட சந்தர்ப்பவாதிகள் சூழ்சிகள் தொடருது
நாடு கடந்து நின்றே வீரம் பேசி நிக்குது
காசு கொடுத்தது வீரம் என பேசி நிக்குது
இவர்கள் இன்றைய வீரர்கள்
மறுவாழ்வு கிடைத்துவந்த போராளிகள்
வாழ்க்கை வீதியில் நிக்குது
எப்படி இவர்கள் தப்பி வந்தனர் என
எட்டப்பன் பட்டம் கட்டுது கூடவே
பல கட்டுகதை கட்டுது மொத்தத்தில்
இவர்களை ஒதுக்கியே வைக்குது
அன்றைய போராளிகள்
இன்றைய துரோகிகள் என்கிறது
தமிழன் என்று சொல்லடா
தலை நிமிர்ந்து நில்லடா.....!!!