புலோலி : குந்தி

இயற்கையிடம் கற்க மறந்தது...!!!

ஒளி நோக்கி உயர்ந்திடும் மரமே உன் வளைவுகள்உரைக்கிறது உணவுக்கான உன் உழைப்பை உன்னை பார்த்தேனும் நான் உணரவில்லையே உழைத்து உயர்ந்திடும் உண்மையை பட்டு கெட்டு அறிந்தபின் பார்த்து வியக்கிறேன் இயற்கையிடம் கற்க மறந்ததை!!! -புலோலியூர் கரன்-

நம்(பிக்)கையில்தான் ...!!!

இந்த நிலத்தில் உள்ள ஏற்ற இறக்கம் பொல நம் வாழ்கையிலும் இன்பமும் துன்பமும் இருக்கத்தான் செய்கிறது இரசிக்கும் படி அதை மாற்றும் சூட்சுமம் நம்(பிக்)கையில்தான் இருக்கிறது!!!! -புலோலியூர் கரன்-

இமை மூடி எனை மறந்து...!!!

பூமியவள் பொன் தோய்க்க ஒளி கொடுத்து உரமிழந்த உதயனவன் ஓய்வெடுக்க ஆழியிடை அரண் திரும்ப வானவில் வண்ண கோலமிட முகிலுறவு மகிழ்ச்சிகொண்டு அரவணைத்து உரசிடவே வாத்தியமாய் இடிமுழங்கிட திளைத்திருந்த சோகமது தடமின்றி தணிந்திடவே இதமான இயற்கைதனை தித்திக்க ரசித்து நின்றேன் மேலெழுந்த அலைநடுவே புகுந்துவந்த தென்றலது தாங்கி வந்த அலைத்துளியை இதமாக தெளித்திடவே இமை மூடி எனை மறந்து இதயமது உணர்ந்திடவே தென்றலோடு தழுவிநின்றேன் இயற்கையது இருக்கும்வரை இன்புறவே ரசித்திடுவோம் துன்பமெலாம் போக்கிடுவோம் ...!!! புலோலியூர் கரன்-

பருவ மயக்கங்களில் ...!!!

இதய நதியினிலே உதித்த சில இனிய செங்கமலங்களை கற்பனையில் வடித்ததுண்டு பதின்ம பருவ மயக்கங்களில் படிதாண்டி ரசித்ததுமுண்டு ஆயிரம் வண்ண இதழ் மலர்கள் உன்னருகில் வலை விரித்தபோதும் உன் இதழசைவில் என் உயிர் துடிக்கிறது உன்னால்தான் இன்னும் உலகம் இனிக்கிறது -புலோலியூர் கரன்-

பகலவன் மீது வீழ்ந்த கறையது
பேழையில் தவழ்ந்தது கர்ணன் உயிர்
பாதகி தவறதற்கு பகலவன் பழி சுமந்தான்
சூரிய ஒளிதனில் விந்துகள் கலந்துவந்து
குந்தியை கலவி செய்து வந்தவன் கர்ணன் என்று
இதிகாசம் சொல்கிறது அறிவியல் வேந்தர்களே
குளோனிங்கை சொன்னவரே குருத்தணு பார்த்தவரே
பகலவன் பழிதீர கர்ணனின் மரபணு அறிவீரோ
பகலோன் ஒளிதனில் உயிரணுக்கள் இருபதற்கு
சாத்தியங்கள் உள்ளனவோ அராய்ந்து சொல்லுவீரோ
மதமென தலையசைத்து சொல்வதெல்லாம் சரியென
மூடரென வாழ்ந்திருக்க "எப்பொருள் யார் யார் வாய் "
உலக பொதுமறை திருக்குறளும் போய்த்திடாதோ !!!

(குருத்தணு-Stem cell)
-புலோலியூர் கரன்-
http://www.facebook.com/sabaharans